မြင်းစီးကျောက်ရုပ်တို့ ၏ သင်္ကေတ

ကျနော်တို့ အားလုံး မြင်းစီးထားတဲ့ ကျောက်ရုပ်တွေကို တွေ့ ဖူးကြပါတယ်။ ကျနော်တို့ မြန်မာနိုင်ငံမှာ ဆိုရင် ဗန္ဓုလ ကျောက်ရုပ်တို့ ဗိုလ်ချုပ်အောင်ဆန်း ကျောက်ရုပ်တို့ ကိုပေါ့။ အရင်တုန်းက တော့ မြင်းစီးကျောက်ရုပ်ဆို တာမြင်းစီးထားတဲ့ကျောက်ရုပ်တွေပဲပေါ့ ..... ။( ခုမှပဲရှင်းသွားတယ်လို့ မပြောနဲ့နော် ) ကျနော်ပြောချင်တာက အဲ့ဒီမြင်းရုပ်တွေမှာ သူတို့ အဓိပ္ပါယ်နဲ့သူတို့ ရှိကြတယ်ဆိုတာကိုပေါ့။ မြင်းရုပ်ပုံစံတွေကိုကြည့်ပြီး ဒီမြင်းရုပ်ပေါ်က ပုဂ္ဂိုလ်ဟာ ဘယ်လိုသေဆုံးသလဲ ဆိုတာကိုလေ။
အဲ့ဒီအဓိပ္ပါယ်တွေကိုလည်းပြောပြမလို့ ကျနော်ဖတ်ဖူးတာတော့ တော်တော်ကြာပြီဗျ ....။

၁။ မြင်းရဲ့ ရှေ့ ခြေတစ်ဖက်မြှောက်နေရင် --- လုပ်ကြံခံရတာ
၂။ မြင်းရဲ့ ရှေ့ ခြေ နှစ်ဖက်မြှောက်နေရင် --- တိုက်ပွဲမှာ ကျဆုံးတာ
၃။ မြင်းရဲ့ နောက်ခြေ နှစ်ဖက်မြှောက်နေရင် --- အစိမ်းသေ သေဆုံးတာ
၎။ မြင်းရဲ့ ခြေလေးဖက်စလုံး မြေပြင်နဲ့ ကပ်နေရင် --- မကျန်းမမာဖြစ်ပြီးသေဆုံးတာလို့ မှတ်သားဖူးပါခင်ဗျာ။

( ဒီအချက်တွေက ပုံမှန် အဓိပ္ပါယ်တွေဖြစ်ပေမယ့် တချို့ ကျောက်ရုပ်တွေ ၊ ပန်းပု ရုပ်တွေလည်း ဒီအချက်တွေ ကို လိုက်နာထားချင်းမရှိတာကို တခါတလေမှာ တွေရပါတယ်ခင်ဗျာ)

“ကဲ အားလုံး မင်္ဂလာပါနော် .. အခုရက်ပိုင်းက မအားလို့ စာတွေသိပ်မရေးနိုင်တာကိုခွင်လွှတ်ပေးပါဗျာ ”

ဝါးမျိုခြင်း အမှတ်စဉ် ၁

အိပ်မက်က နိုးတိုင်း စဉ်းစာမိတာက ....
ဘ၀ဆိုတာကိုပေါ့ ။

ဒီလို ဘ၀တွေမှာ ဆာလောင်မှုတွေရှိတယ် ...
ဒီ ဆာလောင်မှုတွေနဲ့ အတူ
မနက်ဖြန်တွေ က မနက်ဖြန်တွေကို ၀ါးမျိုတယ်။

နောက်ပြီး ...
အတ္တတွေက အတ္တတွေကို....
မာနတွေက မာနတွေကို ....
ဘ၀တွေက ဘ၀တွေကို ....

နောက်တော့ ပြာလဲ့လဲ့ ကမ္ဘာကြီးကို ...

နာဂစ်မြို့တော်ရဲ့ ဖွံ့ဖြိုးတိုးတက်မှု

ပြီးခဲ့တဲ့ 17 ရက်နေ့က ရန်ကုန်ကိုပြန်ရောက်လာတယ်။ ဘယ်အရာရာကိုပဲကြည့်ကြည့် အားလုံးကို ကိုယ်နဲ့တစိမ်းတ ရံ ဆန်နေတယ်။ ဒါဟာ နာဂစ်ကြောင့်လား ဒါမှမဟုတ် လူတွေရဲ့ ပြောင်းလဲတတ်တဲ့ စိတ်တွေကြောင့်လား ဆိုတာ ကျနော်မတွေးတတ်ပါဘူး။ ပြောင်းလဲမှုဆိုတဲ့ နေရာမှာ ကောင်းသောပြောင်းလဲမှုတွေရှိသလို မကောင်းတဲ့ပြောင်းလဲ မှုတွေလည်း ရှိစမြဲပါ။ ကျနော်တို့တိုင်းပြည်ပေါ် ကျရောက်ခဲ့တဲ့ နာဂစ်မုန်တိုင်းဟာ ကောင်းသောပြောင်းလဲမှုတွေကို ယူဆောင်လာသူလို့ တွေးမယ်ဆိုရင် အဲ့ဒီလူဟာ ကောင်းမြင်သမား ( သို့မဟုတ် ) ဒီမုန်တိုင်းကြောင့် အကျိုးအမြတ် ဖြစ်ထွန်းလာသူပဲဖြစ်မယ်လို့ ကျနော်ထင်ပါတယ်။ ကျနော်တစ်ခုတော့ပြောချင်ပါတယ် ... နာဂစ်မုန်တိုင်း အတွက် ပြန်လည်ထူထောင်ရေးလုပ်တဲ့အခါမှာ .... ပြန်လည်ပြုပြင်တဲ့ အခါမှာ အချိန်တိုအတွင်းပြီးစီးဖို့ကို ပဲ အဓိက ဆောင် ရွက်မယ်ဆိုရင် ... စည်းစနစ်မကျမှုတွေ အခိုင်ခံမရှိမှုတွေဖြစ်လာနိုင်ပါတယ်။
ကျနော်လက်လှမ်းမှီသလောက်ပြောရမယ်ဆိုရင် ကျနော်တို့ အိမ်နားက ကျောင်းလေးက မုန်တိုင်းဒဏ်ကြောင့် ပြိုကျ ပျက်စီးသွားရပါတယ်။ အဲ့ဒီကျောင်းလေးက အရင်က အုတ်နဲ့ဆောက်ထားတဲ့ ကျောင်းလေးပါ ။ အခုလို ပြိုသွားတော့ ကြံခိုင်ရေး ကနေ တာဝန်ယူပြီးပြန်လည်တည်ဆောက်ပေးပါတယ်။ ဒါပေမယ့် အရင် အုတ်နံရံ ကာထားတဲ့နေရာမှာ ခုတော့ သူတို့က သံဇကာတွေနဲ့ ကာထားပါတယ်။ အားလုံးသိတဲ့ အတိုင်းပဲ ရန်ကုန်ဆိုတာ မိုးများတဲ့ ဒေသတစ်ခုပါ။ ကျောင်းသား ကျောင်းသူတွေ ခမျာ ဘယ်လောက် ဒုက္ခရောက်လဲ တွေးသာတွေးကြည့်ပါ။ မိုးရွာရင် လေက ပါ ပါ လာတယ် ဟော နေပူပြန်တော့လည်း နေက ထိုးပါသေးတယ်။
တကယ်ဆို မဖြစ်သင့်တာလေးတွေကိုပြောပြတာပါ။ ကျနော်ရှေ့ကပြောခဲ့ သလို ပြောင်းလဲတဲ့ နေရာမှာ ကောင်း သောပြောင်းလဲ မှုတွေဖြစ်ဖို့တော့ လိုပါတယ်။

ကောင်းမွန်သော ပြောင်းလဲ မှုတွေဖြစ်လာပါစေလို့ ဆန္ဒပြုရင်း ....

ဗရုတ်သုတ်ခအကျဆုံးနေ့ လေးပေါ့

မ၀ါကတော့ ကံထူးရှင်ရွေးလိုက်တယ်တဲ့ဗျာ ... :Z ။ တက်ဂ် ထားတာကိုက ဗရုတ်သုတ်ခအကျဆုံးနေ့ လေးတဲ့ ...။ အဲ့ဒါနဲ့ ကိုယ့်ရဲ့ ဗရုတ်သုတ်ခအကျဆုံးနေ့ တွေကို ပြန်စဉ်းစားကြည့်တော့ လား လား တော်တော်များသား။ တစ်ခါတုန်းက ရန်ကုန်မြို့ထဲ ပိုက်ဆံ အိတ်ကျပျောက်လို့ ခြေတိုအောင်လမ်းလျှောက်ခဲ့ရတာက တစ်မျိုး ။ ချစ်ရတဲ့ကောင်မလေး အတွက် မွေးနေ့လက်ဆောင် အဖြစ် ငါးကန်ဝယ်ပေးတုန်းက ငါးကန် တွေ ငါးတွေ နဲ့ ဆိုင်ကယ်စီးသွားရတဲ့ နေ့က တဖုန် အစုံစုံပေါ့ဗျာ။
ဒါပေသိ အဲ့ဒါတွေထဲ က ဗရုတ်သုတ်ခအနိုင်ဆုံးနေ့လေး တစ်နေ့ကိုပြန်စဉ်းစားတော့ ဟိုးလွန်ခဲ့တဲ့ ၁၇ နှစ် လောက်တုန်းက ပိစိကွေး တုန်းက အဖြစ်လေးကို သွားမြင်ယောင်မိတယ်။ အဲ့ဒီအချိန်တုန်းက ကျနော်က ၅ နှစ် ၆ နှစ် သားလောက် အရွယ်ပေါ့။ မှတ်မှတ်ရရ အဲ့ဒီနေ့က ကျောင်းမသွားခင် ကျနော် အသုပ်စားတယ်၊ ဒိန်ချဉ်သောက်တယ်။ ဘာဖြစ်တယ်ဆိုတာ စဉ်းစားသာကြည့် ကြပေါ့ဗျာ။ ကျောင်းခန်းထဲလဲ ရောက်ရော ဆရာမစာသင်နေတုန်း အားပါး ဘာပြောကောင်းမလဲ ဗိုက်ကရစ်ပြီးနာတာ ပွင့်ပွင့်လင်း လင်းပြောရ ရင် အီးအီး ပါချင်တာပေါ့ဗျာ။ ကျနော်က ငယ်ငယ်တုန်းက လူကြောက်ရယ်ဗျ ။ ဒီလို အိမ်သာသွားချင်လို့ ခွင့်တိုင်ဖို့ နေနေသာသာ တနေသာကုန်သွားမယ် အတန်းထဲ စကားတလုံးမှပြောတာမဟုတ်ဘူး။ ငါ့ဘယ်လိုလုပ်ရမလဲ စဉ်းစား .. အင်း အောက်ထားအုံးမှ ဆိုပြီး အောက်တယ်ဗျ။ ခုပြန်တွေးရင် ရယ်ချင်တယ် ဟီးးး ဟီးးး ။ ကျလိုက်တဲ့ ချွေးတွေဆို ဘယ်ပြောကောင်း မလဲ ၊ လူကလည်း ငြိမ်ငြိမ်မထိုင်နိုင်နဲ့ မြင်ယောင်ကြည့်ကြဗျာ အောက်ပိုင်းတစ်ခုလုံး တွန့်လိန်နေတာ စပလိန်ကျလို့။ အချိန်ဆိုတာလဲ ကြာလိုက်တာဗျာ တစ်မိနစ်ဆို တစ်မိနစ် အရးကြီးတဲ့အချိန်ရောက်နေပြီကိုး။ သင်နေတဲ့စာထဲမှာ လဲ လုံးဝစိတ်မ၀င်စားနိုင်နဲ့ပေါ့။ နောက်ဆုံးတော့ ဘေးနားက သူငယ်ချင်းရဲ့ လက်ကို ကိုင်ပြီးပြောလိုက်တယ်။ အဲ့ဒီ စကားလုံးကိုတော့ ခုထိမှတ်မိနေသေး တယ် .. “ဟေ့ကောင် ငါတော့သွားကုန်ပြီ ” စဉ်းစားသာကြည့်ကြပေါ့ အရပ်ကတို့ ရေ။ အဲ့ဒီနောက်မှာတော့ တခန်းလုံးပွက်လောရိုက်လို့ လက်ကဟိုဟာကိုင်ရမလို ဒီဟာပဲပိတ်ရတော့မလိုနဲ့ လွယ်အိတ်ထဲ က စာအုပ်တွေ ကထွက်ကျလိုကျ ..။ ဗရုတ်သုတ်ခများ နိုင်လိုက်သည်ဖြစ်ခြင်း ...။ နောက်တော့ ဆရာမ က အိမ်လိုက်ပို့လိုက်ရ တယ်။ ရှက်လိုက်တာများဗျာ အဲ့ဒီအချိန်တုန်းက များ ဆယ်ဘီးကားတစ်စီး ရှေ့ဖြတ်သွားရင် ခေါင်းနဲ့ သာဝင်ပြီး ဂျမ်းတုံး ခုလိုက်ချင်တယ်။ တကယ်တော့ ဘာမဟုတ်တဲ့ ကြောက်စိတ်ရယ်ကြောင့်ပေါ့ ။ ဒီနောက်မှာ တော့ မကောင်းတဲ့ ကြောက်စိတ်တွေကို ဖယ်ရှာရင် ... ဆရာမတွေ ချစ်တဲ့ လူပျော် လူတော်လေး ကျနော်ဖြစ်လာရ တာပဲခင်ဗျ...။ ခုတော့လည်းကြာခဲ့ပြီလေ ရှက်ရှက်နဲ့ ကိုယ့်ရဲ့ ဗရုတ်သုတ်ခ နိုင်တဲ့နေ့လေး တစ်နေ့ကို ဘလောဂ် ထဲ ထည့်ရေးလိုက်ပါတယ်ဗျာ... .. .။

Blog မရေးဖြစ်ရခြင်း အကြောင်း

စာမရေးဖြစ်တာလဲ တော်ကိုကြာပြီဗျာ .... ။ ကိုယ့် ဘလောဂ်ကိုယ်ကြည့်ရတာလည်း တော်လေး ကိုခြောက်ကပ် ကပ် နိုင်နေတယ် ။ အဲ့ဒါနဲ့ စာလေး တစ်ပုဒ်လောက်တော့ ရေးမယ်ဟေ့ဆိုပြီး ကွန်ပျူတာလေးရှေ့ထိုင် ပြီး ဘာရေး မယ်ဆိုတာစဉ်းစားနေတုန်း ။ ဖလပ် တီတီတီ !!!!!!!!! အဲ့ဒါဘာဖြစ်တုန်း စဉ်းစားကြည့်ပေါ့ဗျာ။ ကိုရွှေမီး ကပျက် သွားလို့ UPS မြည်တဲ့ အသံပေါ့ဗျာ ။ စိတ်ထဲညစ်ညစ်ရှိတာ နဲ့ ဆိုင်ရာပိုင်ရာ အားလုံး စိတ်ရှိလက်ရှိအော်ဆဲ လူလဲ တော်တော်လေးမောသွားတယ်။ အဲ့ဒါနဲ့ ပြီးတော့ ငယ်ငယ်တုန်းက အကြောင်းလေး ကိုလည်းသတိရမိတယ်။ ရုပ်သံက လာတဲ့ဇာတ်လမ်းတွဲတွေ လာခါစတုံးက တီဗွီက ကြည့်နေတုန်း မီးကပျက် ၊ မီးကပျက်နေတုန်းဆို တီဗွီကကြည့်ချင်၊ အဲ့ဒီတုန်းကတော့ စဉ်းစားမိပါတယ် နောင်လာမယ့် 9 နှစ် 10 နှစ်လောက်ဆို ဒီလို ဒုက္ခတွေ မရှိတော့ ဘူးလို့ ပေါ့။ ခုတော့ လည်း အရင်တုန်းက လိုပါပဲ ကိုရွှေမီးလေးက ပျက်လို့ကောင်းဆဲပါပဲ။ အဲ့တုန်းက တွေနေရတဲ့ စာတန်းများ“ ခေတ်မီဖွံ့ဖြိုးတိုးတက်သော နိုင်ငံတော်သစ် ကြီးဆီသို့ ” ကိုလည်း ခုတိုင်လည်း တွေ့ နေ ရဆဲပါပဲ။ နောက်ထပ်စာတန်းအသစ်တွေလဲ ထပ်တွေနေရပါပဲ ဥပမာတစ်ခုလောက်တော့ပြောလိုက်အုံးမယ် ဘာတဲ့ " Access has been denied " အဟတ် အဟတ် .... ။ အော်ဒီလိုပုံ နဲ့ မိုးကြီးချုပ်ရင်တော့ ............................................ ? ဘာဖြစ်မယ်ထင်သလဲ

“ မီးပျက်တော့မှာဗျို့ ဘန်းကျော်ပြီးတော့ ပို့စ်လေးတစ်ခု မြန်မြန်တင်ထားမှ ”

MYANMAR WINDOWS လားဗျာ ....

တစ်နေ့ကဖတ်လိုက်ရတယ် Recose Hacker ဆိုတဲ့ Software အကြောင်းလေးပေါ့။ အဲ့ဒီ Software လေးကို သုံးပြီး Windows မှာ ရှိတဲ့ Dialog box တွေကို မြန်မာလို လိုက်ပြောင်းကြည့်လို့ရတယ်ဆိုတာကိုပေါ့။ ကျနော်ပြောင်းထားတဲ့ box လေးတွေကို အောက်မှာပြထားပေးပါတယ်။


ပထမဆုံး Download ဆွဲလိုက်ပါ။ ပြီးရင် ResHacker.exe ကို D-Click နဲ့ဖွင့်လိုက်ပါ။
ပြီးရင်တော့ File --- Open ကနေပြီး ''C: \windows\system32'' ကိုရွေးလိုက်ပါ။
system32 ထဲကိုရောက်ရင် "shell32.dll" ဆိုတဲ့ဖိုင်ကိုရှာပြီး Open ကို နှိပ်၍ဖွင့်လိုက်ပါ။


နောက်ပြီး ဘယ်ဘက်မှာ ..... Dialog --- 1003 --- 1033 ကိုတစ်ဆင့်ချင်းရွေးလိုက်ပါ။
ကျနော်က မြန်မာ font ပြောင်းမှာဖြစ်သဖြင့် font နေရာတွင် "Wininnwa" font size နေရာတွင် 14 လို့ ပြောင်းလိုက်ပါ။
Dialog 1003 ထဲက OK ကို click နှိပ်လိုက်သောအခါ သက်ဆိုင်သော Program စာသားရှေ့တွင် အနီရောင် ကြယ်ပုံလေးပေါ်လာလိမ့်မည်။
အဲ့ဒီမှာ ကျနော်က လုပ်မယ်ဟေ့ လို့ရေးချင်လို့ "OK" နေရာတွင် "vkyfr,fa[h" ရေးလိုက်ပါတယ်။
ပြီးရင် Compile Script ကို နှိပ်ကြည့်ပါ။ အားလုံးပြောင်းပြီးရင် File --- Save ကို နှိပ်ပါ။ Restart ချလိုက်ရင် ပြောင်းထားတာတွေကိုတွေ့ရတော့မှာဖြစ်တယ်။

အလိုအလျောက် Computer ဖွင့်ခြင်း

ခုရေးမယ် အကြောင်းအရာကို ဖတ်ပြီး ကလေး အထာလို့ တော့မထင်လိုက်ပါနဲ့ဗျာ နော် ။ ဘာရေးရမယ်ဆိုတာမ သိတော့လည်း သိတဲ့ အကြောင်းအရာလေး ပဲလေးလိုက်ရပါတယ်။

သင့်ရဲ့ computer ကို သတ်မှတ်ထားတဲ့ အချိန်မှာ အလိုအလျောက်ဖွင့်ချင်တယ်ဆိုရင်ပေါ့ဗျာ။ BIOS Setting ထဲဝင်ပြင်ရတယ်ဆိုတဲ့အကြောင်းလေးပေါ့။ ပြောရအုံးမယ် Award BIOS တော့ဖြစ်ရမယ်နော်။

အဆင့် 1
Computer အဖွင့်မှာ Delete key ကို နှိပ်ပြီး BIOS Setting ထဲဝင်ထားလိုက်ပေါ့။ BIOS ထဲရောက်ရင်တော့ arrow key ကိုသုံးပြီး Power Management setup ပေါ်သို့ရွှေ့ပြီး Enter နှိပ်ပါ။

အဆင့် 2

Resume by Alarm သို့သွားပြီး Enable ပြောင်းလိုက်ပါ။
ပြီးတော့ Date ( of month ) Alarm သို့ရွှေ့ပြီး Every day လို့ ပြောင်းလိုက်ပါ။
နောက် Time ( hh : mm : ss ) Alarm သို့ရွှေ့ပြီး 9 : 00 : 0 လို့ပြောင်းလိုက်ပါ။

ဒီလိုဆိုရင်တော့ မင်္ဂလာရှိသော နံနက်ခင်းမှာ သင့် Computer က သင်နဲ့ အတူ နိုးထလာပါလိမ့်မယ်ခင်ဗျာ။

အိမ်အပြန်

အိမ်အပြန်ငှက်တို့ ရဲ့ ရာသီခွင်မှာ အလွမ်းတွေရှိတယ်။

ဒီအလွမ်းတွေ ရက်ရောလိုက်ပုံများ .......

ငါ့မှာတော့ တနင့်တပိုးအဖြစ်နဲ့

မိုင်တိုင်တွေကတော့ မင်းနဲ့ ဝေးခဲ့ ရပြီဆိုတဲ့အကြောင်း ...

တီးတိုးပြောလို့ ။

အနုပညာပြောင်းလဲဖြစ်ပေါ်မှု အဆင့်သုံးဆင့်

လူ့ယဉ်ကျေးမှုဖြစ်ပေါ်တိုးတက်ရေးအစဉ်မှာအပြောင်းအလဲများကြုံရတတ်ပါသည်။အချို့ဆရာများကလည်းအကွေ့အလှည့်ဟုသုံးနှုန်းတတ်ကြပါသည်။အပြောင်းအလဲအကွေ့အလှည့်တိုင်းမှာအဆင့်သုံးဆင့်ရှိသည်ဟုကျနော်မှတ်သားဖူးပါသည်။ထိုအကြောင်းကိုကျနော်တင်ပြပါမည်။ သဘောတူမတူမှာစာဖတ်သူ၏ အလိုအတိုင်းသာ ဖြစ်ပါသည်။

ကျနော်ကတော့ထိုအဆိုကိုသဘောတူပါသည်။အထူးသဖြင့်အနုပညာမှာဤတိုင်းပင်ဖြစ်ပျက်ပြောင်းလဲတိုးတက်သည်ဟု ကျနော် ယုံကြည်စွဲမှတ်ပါသည်။

အဆင့်သုံးဆင့်

ခေတ်အဆက်ဆက်ကနှစ်ရှည်လများလူသားတို့ဖန်တီးပြုစုတည်ဆောက်ခဲ့ကြသောယဉ်ကျေးမှုအနုပညာအရပ်ရပ်သည် ကြီးမားပြင်းထန်အရေးပါသောအပြောင်းအလဲအကွေ့အလှည့်တစ်ခုခုကိုကြုံတိုင်း ဆင့်သုံးဆင့် ကို ဖြတ်သန်းပြောင်းလဲ တိုးတက်သွားတတ်ပါသည်။ ထိုအဆင့်သုံးဆင့်မှာ အောက်ပါအတိုင်းဖြစ်ပါသည်။

၁။ ပိုင်းစ စိတ်မြွှာ ပြိုကွဲခြင်း ( FRAGMENTATION AND DISINTEGRATION )

၂။ ပြန်လည်စုစည်းတည်ဆောက်ခြင်း ( RE-STRUCTURING )

၃။ အသစ်ဖန်တီးဖော်ထုတ်ခြင်း ( SUPERINTEGRATION )

၁။ ပိုင်းစစိတ်မြွှာပြိုကွဲခြင်း

အနုပညာရပ်အသီးသီးမှာ အတွေးအခေါ်များ၊ အယူအဆ သီဝရီများ၊ တန်ဖိုးသတ်မှတ်ချက်များ၊ နှုန်းစံများ၊ အခြင်းအရာလက္ခဏာများ ရှိပါသည်။ ယင်းတို့ကို ခေတ်အဆက်ဆက် နှစ်ရှည်လများ လူသားတို့က ပြုစုတည်ဆောက်ခဲ့ပါသည်။ ထိုအခြင်းအရာ လက္ခဏာရပ်များ အပိုင်းပိုင်း အစစ စိတ်မြွှာကွဲကျေ၍သွားခြင်း (၀ါ) ခွဲချေဖြိုဖျက်ပစ်လိုက်ခြင်းသည် ပထမအဆင့်ဖြစ်ပါသည်။ ဤအဆင့်သည် အရှုပ်ထွေးဆုံး၊ အဆူညံဆုံးအဆင့် ဖြစ်ပါသည်။
ဤအဆင့်ကို အပေါ်ယံရှပ်၍ကြည့်ပါက ပုန်စားပုန်ကန်မှု REBELLION တစ်ခုဟု အမှတ်မှားတတ်ကြပါ သည်။ စည်းပျက်ကမ်းပျက် ကလေကချေ အလေနတော သရုပ်ပျက် BOHEMIAN လက္ခဏာများဟုလည်း အမှတ်မှားတတ်ကြပါသည်။ အနုပညာရှင်လူကြီးတွေပြောသမျှ လူငယ်တွေကလက်မခံ။ လူကြီးတွေ၏ စံ က လူငယ်တွေနှင်မကိုက်။ အလွန်ရှုပ်ထွေးဆူညံ၍ အရောရောအနှောနှောဖြစ်သောကာလဟု ပြောရပါမည်။
အစဉ်အမြဲ အသစ်တို့ကိုရှေးရှုသော မည်သည့်အခါမှ ရှိပြီးသားနှင့် မကျေနပ်နိုင်သော အမြဲဖန်တီး၍ နေတတ်သော အနုပညာ ( ၀ါ ) အနုပညာသမားတို့၏ သဘာဝကိုမြင်အောင်မကြည့်။ ထို အသိမဆိုက်သူ အဖို့ ဤသို့သော ပထမအဆင့်ကို လက်ခံနိုင်မည်မဟုတ်ပါ။ ဤအဆင့်သည် ထိတ်လန့်တုန်လှုပ်ဖွယ်ရာမဟုတ်။ မလွဲမသွေ ကြုံတွေ့ ရမည်ဖြစ်သော သမိုင်းအမှန်တရားတစ်ခုအဖြစ် ကျနော်ယုံကြည်စွာတင်ပြခဲ့ပါသည်။



၂။ ပြန်လည်စုစည်းတည်ဆောက်ခြင်း

တစ်ပိုင်းတစ်စစီ အစိပ်စိပ်အမြွှာမြွှာ ပြိုကွဲပျက်စီးသွားသော အတွေးအခေါ်များ၊ အယူအဆသီဝရီများ၊ တန်ဖိုးသတ်မှတ်ချက်များ၊ နှုန်းစံများကို ပြန်လည်စုစည်းတည်ဆောက်သော အဆင့်သည် ဒုတိယအဆင့်ဖြစ်ပါ သည်။ ဤကာလသည် အလွန်အမင်း ရှုပ်ထွေးဆူညံခြင်းမရှိတော့ပါ။ တစ်နည်းမှာ အနုပညာ အသိမဆိုက်သများ ၏ ဆူပူကန့်ကွက်သံ တိတ်သွားပါသည်။
လုံ့လ၀ီရိယကြီးသူများ၊ စိတ်ရင်းစေတနာမှန်သူများ၊ အနုပညာစိတ်ရှိသူများ အားထုတ်ကြိုးပမ်းသောကာလ ဖြစ်ပါသည်။ သတိပြုစေလိုသည်မှာပြန်လည်စုစည်း တည်ဆောက်ခြင်းသည် အပိုင်းအစ အကျိုးအပျက်အပဲ့အရွဲ့ များကို ဟိုတစ်စသည်တစ်စ ဆက်စပ်ယူခြင်းမဟုတ်ပါ။ ကိုယ့်အနုပညာနယ်ထဲက အခြင်းအရာများကိုပင် ပြန်လည်စုစည်းတည်ဆောက်ရမည်ကို ဆိုလိုပါသည်။ ကာရန်စနစ် ပြောင်းချင်ပြောင်းမည်။ ကာရန် လုံးဝမဲ့ချင်မဲ့ မည်။ သို့သော် ဘာသာစကားထဲက ပြန်လည်စုစည်း ရှာဖွေဖော်ထုတ်လိုက်သော “ အသစ်များ” ဖြစ်ပေါ်ရေးကို ရှေ့ရှုဦးတည်ရမည်ဟု ဆိုလိုပါသည်။


၃။ အသစ်ဖန်တီးဖော်ထုတ်ခြင်း

ဤအဆင့်သည် အသစ်များ ထွန်းကားအခြေကျရသော အဆင့်ဖြစ်ပါသည်။ ဒုတိယအဆင့်မှာ လုံ့လ၀ီရိကြီးသော၊ စိတ်ရင်းစေတနမှန်သော အနုပညာသမားများကြိုးစား စုစည်းခဲ့ကြသည်။ အခြင်းအရာ လက္ခဏာရပ်များသည် အနုပညာပစ္စည်းအသစ်အဖြစ် ဖြစ်ပေါ်တိုးတက် ပြီးစီးသွားပြီဟု ဆိုရပါမည်။ အဆင့်သုံးဆင့်ကို ကျနော်မှတ်သား ဖူးသော သီဝရီတရပ်မှယူ၍ တင်ပြလိုက်ပါသည်။

မြန်မာနိုင်ငံ၏ အနုပညာအရပ်ရပ် ပြောင်းလဲဖြစ်ပေါ်မှု ( ၀ါ ) အကွေ့အလှည့်သည် မည်သည့်နေရာတွင် ရောက် နေသည်လဲ။ ရောက်နေပြီလား ... လိုသေးသည်လား ။ မည်သည့်ခြေအနေတွေဖန်တီးဖို့ လိုအပ်သလဲ ဟူသော မေးခွန်းများကို ကျနော်တို့ ဖြေဆိုကြဖို့ပဲဖြစ်ပါသည်။ နိဂုံးစကားအဖြစ် ကျန်ာအထက်တစ်နေရာမှာတင်ပြ ခဲ့သည့် အတိုင်း ဤအဆင့်သုံးဆင့် သီဝရီကို လက်ခံခြင်း၊ ငြင်းပယ်ခြင်းမှာ စာဖတ်သူများ အလိုအတိုင်းသာဖြစ်ပါလိမ့် မည်။ ကျနော်ကတော့ ဤအဆိုကို ယုံကြည်စွဲမှတ်ပါသည်။


မှတ်ချက် ( အနုပညာစံ ဆိုသည့်စာအုပ်ထဲမှ ကောက်နုတ်ဖော်ပြသည် ။)

Blood Windows Virus

ဟိုတစ်နေ့ က Internet Journal ထဲဖတ်လိုက်ရတယ် ဘာတဲ့ Blood Windows ဆိုလား။ သိပ်မကြာပါဘူး ကိုယ်တော်ချောက အကြောင်းမကြားဘာမကြားနဲ့ ကျနော့် ကွန်ပျူတာထဲကို ရောက်လာပါရောဗျို့ ။ ပထမတော့ မသိသေးဘူးဗျာ .. . Taskbar က ပေါ်လိုက်ပျောက် လိုက်နဲ့၊ မှိတ်တုတ် မှိတ်တုတ်လေးဖြစ်နေတာ ဟ ဘာဖြစ်တာလဲလို့ပေါ့။

ပထမ TaskManager ခေါ်ကြည့်တယ်မရ ..၊ Registry လာပါအုံးဟ .. .မရ၊ဟယ်လာလေရော့ system restore အဆင်မပြေ ၊ ဒုက္ခ ပဲ အဲ့ဒါမှ …….

နောက်တော့ ဖုန်းသံလေးဟော စပြီ အဲအဲ ကွန်ပျူတာ မျက်နှာပြင်တစ်ခုလုံး သွေးရောင်တွေ ငါ့နှယ် ကျောချမှ ဗိုင်းရပ်စ်မှန်းသိနေပြန်ပြီ ..။

Blood Windows ရဲ့လုပ်ဆောင်ချက်များ

• Folder များကိုပွား၍ Speaker Icon များအဖြစ်ပြောင်းလဲတတ်သည်။
• Windows တက်စတွင် One Miss Call ကိုရီးယားဇာတ်ကားထဲက ဖုန်းမြည်သံကိုကြားရသည်။
• Screen တစ်ခုလုံးသွေးရောင်လွှမ်းသွားတတ်သည်။
• Taskbar ပေါ်သို့ Mouse Pointer တင်လိုက်သည်နှင့် Taskbar မှိန်ကျသွားတတ်သည်။
  

ကဲအဲ့ဒါနဲ့ လက်သုံးတော် antivirus ထုတ်လို့ အမျိုးဖြုတ်ပစ်လိုက်တယ်။ အဲ့ဒီ antivirus လေးကတော့တကယ့်ကို မြန် ကောင်း သက်သာ ပဲ။ Virusမိတာမြန်တယ်၊ကောင်းကာင်းလဲသတ်နိုင်တယ်၊updateလုပ်ရတဲ့အချိန်လည်းတော်တော်သက်သာတယ်။ ချီးမွမ်းခန်းဖွင့်နေတာနဲ့နာမည်တောင် မပြောရသေးဘူး သူ့နာမည်က Twister လို့ခေါ်တယ်ဗျ။

သူငယ်ချင်းတို့လည်း စမ်းသုံးလို့ရအောင် အဖိုးအခမပါ ကြေငြာလိုက်ရပါတယ်ခင်ဗျာ။

ကဲသေစမ်းဟဲ့ ရပ်ကွက်လူကြီး အဲအဲ မှားလို့ Virus ။

ဥုံမခံ ဂါထာ

လေ အဝှေ့လောက် နဲ့တော့ ငါ့ သိက္ခာလွင့်ပါမသွားပါဘု ...။
ဒီတခါ သည်းခံလိုက်မယ်။
မပြောပလောက်ပါဘူး
ဆင်ကောင်ကို ခြင်ကောင် ၀ါးသလိုပ ...
အော့အန် ချင်စရာ ဒီမသာပုပ်ကတော့
ပြောလိုက်လျင် စွန့်ကြဲချင်စရာ မျက်နှာပေးရယ်နှင့်
နောက်ကွယ်မှာ အကြံဆိုးတွေပေ့ါ
နောင်တခါ လာမတုလေနှင့်
နင့်ဥာဏ်ဆိုတာဟာပ
နင့်အမေငါနဲ့ ရက
မွေးတဲ့သားအရွယ် ...။


( အားလုံး ကန်တော့ပါရဲ့ဗျာ မထိန်းနိုင်တော့ လို့ ဘလော့ဂ်ပေါ်အန်ချလိုက်တာ )

စိတ်သာချ

ခရီးထွက်ရန်ပြင်ဆင်နေသော လူတစ်ယောက်သည် သူ့မိန်းမကို စိတ်မချနိုင်ဖြစ်နေသဖြင့် အိမ်အတွင်း၌ သော့ခတ်ထားပြီး သော့အား ဘေးအိမ်ရှိ သူ၏ သူငယ်ချင်းအား အပ်ထားခဲ့ကာ “ သူငယ်ချင် ငါစိတ်ချခဲ့မယ်နော်” ဟုပြောကာ ထွက်လာခဲ့လေသည်။ သို့နှင့် တော်တော်လေးလျှောက်လာ မိ သော အခါ သူ၏ သူငယ်ချင်းက အပြေးလိုက်လာပြီးပြောလိုက်ပုံက “ သူငယ်ချင်းရေ မင်းပေးခဲ့တဲ့ သော့ကမှားနေတယ်” ဟူ၏ ။

Windows xp ရဲ့ DNS Cachesize ကိုတိုးခြင်း

DNS Cache ဆိုတာ ကျနော်တို့ ခုကြည့်နေတဲ့ Website လိပ်စာတွေကိုသိမ်းဆည်း ထားတဲ့နေရာ လေးပေါ့။ သူ့အသုံးဝင်ပုံကတော့ ဒီလိုဗျ .. website ကြည့်တဲ့သူက webpage တစ်ခုရဲ့ Address ကိုဝင် လိုက်ရင် အဲ့ဒီ Address ကို Internet ကနေတဆင့်သွားမတောင်းမီ DNS Cache ထဲကိုဝင်ပြီး သိမ်း ဆည်းထားတဲ့ လိပ်စာများကိုကြည့်ပါတယ်။ အဲ့ ကိုယ်သွားချင်တဲ့ လိပ်စာက အဲ့ဒီထဲမှာရှိနေရင် ဆွဲယူအသုံးပြုလိုက်ပါတယ်ခင်ဗျ ။ ဒီတော့ အချိန်ကုန်သက်သာတာ ပေါ့ဗျာ။ ဆိုတော့ကာ DNS Cachesize ကို တိုးထာခြင်းဖြင့် Website တွေကြည့်တဲ့အခါ ပိုမြန်လာမှာပေါ့။
ကဲ DNS Cachesize ကိုတိုးကြည့်ကြရအောင်လား ....

1. regedit ကိုဖွင့်ပါ။

2.HKEY_LOCAL_MACHINE\System\CurrentControlSet\Services\Dnscache\Parameters ကိုသွားပါ။

3. CacheHashTableBucketSize = 1
CacheHashTableSize = 180
MaxcacheEntryTtlLimit = ff00
MaxSOACacheEntryTtlLimit = 12d အဲ့ဒီလို DWORD Value တွေကို သွားရေးပါ။

4. Restart လုပ်ပါ။








အားလုံးအမြန်ဆုံးနည်းနဲ့ ပကန် ( ပန်းကန် ) လုံးစီးနိုင်ကြပါစေဗျာ။

Service များကိုရပ်တန့်ခြင်း

service ဆိုတာ application တစ်ခုရဲ့နောက်ကွယ်ကနေ run တဲ့စနစ်တွေပေါ့ ။ တခါတလေမှာ မလိုအပ်တဲ့ service တွေ run ထားရင် ကျနော်တို့ရဲ့ computer ဟာ အလုပ်ပိုလုပ်နေရတတ် ပါတယ်။ အဲ့ဒီတော့ မလိုအပ်တဲ့ service တွေကို ပိတ်ထားဖို့ လိုအပ်ပါတယ်။ ဥပမာ ဂိမ်းဆော့တဲ့ လူတစ်ယောက်က print ထုတ်ရာမှာ လုပ်ဆောင်ပေးတဲ့ print spooler service ကို သူ့စက်မှာ run ထားဖို့မလိုအပ်ဘူးပေါ့ ။ ဒီလိုမှမဟုတ်ရင် ဂိမ်းဆော့နေစဉ်အတွင်း စက်ရပ်သွားခြင်း၊ ထစ်သွားခြင်း တွေ ကြုံနိုင်တယ် ။

အဲ service တစ်ခုကိုပိတ်တော့မယ် ဆိုရင် Start ==> Run သွားပြီးဘောက်စ်ထဲမှာ services.msc လို့ရိုက်ထည့်လိုက်ပါ။ OK ပြီးရင် ပိတ်ချင် တဲ့ service ကို Double Click နှိပ်ပြီး stop ဆိုတာကိုရွေး ပေးရမယ်လေ။

ကျနော်ပြောချင်တာက အဲ့ဒီလို service တွေကိုတစ်ခုချင်း လိုက်ပိတ်စရာမလိုပဲ click နှစ်ချက် နှိပ် လိုက်တာနဲ့ ပိတ်ချင်တဲ့ service တွေအား လုံး stop ဖြစ်သွားအောင်လုပ်တာကိုပြောချင်တာပေါ့ ။ ပထမအဆင့်နေနဲ့ Desktop ပေါ်မှာ Text Fileတစ်ခုဖန်တီးပါ။ ၄င်း Text ဖိုင်အတွင်းတွင် အောက်ပါ အတိုင်းပိတ်ချင်သော service name များကို ရိုက်ထည့်လိုက်ပါ။
(မှတ်ချက် ။ ။ ပိတ်ချင်သော service များသည် အသုံးပြုမည့် application များအတွက် run နေသော service များမဖြစ်ရန်အလွန်အရေးကြီးပါသည်။ )

NET STOP "Print Spooler"
NET STOP "Error Reporting Service"
NET STOP "Help and Support"
NET STOP "Messenger"
NET STOP "System Restore Service"
NET STOP "Automatic Updates"
NET STOP "Kaspersky Anti-Virus 6.0"
NET STOP "Wireless Zero Configuration"
NET STOP "Security Center"
NET STOP "Remote Procedure Call (RPC)"
NET STOP "NetMeeting Remote Desktop Sharing"
NET STOP "Remote Registry"

အဲ့ဒီအတိုင်း တစ်ကြောင်းချင်းစီရိုက်ထည့်ပါ။
ထို့နောက် ၄င်း Text File ကို Net Stop.bat ဟု save လိုက်ပါ။ရရှိလားသော Net Stop.bat ဖိုင်လေးကို Double Click နှိပ်ခြင်းဖြင့် ပိတ်ထားချင်သော service များအားလုံးတပြိုင် နက် တည်း ရပ်တန့်သွားပါလိမ့်မည်။
၎င်း service များကို Start ပြန်လုပ်ချင်ပါက ရှေ့ကပုံစံအတိုင်း NET STOP နေရာတွင် NET START ဟုပြောင်းလဲပြီး ပြုလုပ်နိုင်ပါသည်။

(ကျနော်သိသလောက်အနည်းငယ်ကိုမျှဝေခြင်းဖြစ်ပါသည်။ အားနည်းချက်များ မပြည့်စုံမှုများရှိ ကောင်းရှိနိုင်ပါ သည်။ အမှားအယွင်းများပါခဲ့ ပါက ပြန်လည်ပြင်ဆင်ပေးပါရန် မေတ္တာရပ်ခံအပ်ပါသည်။ )

ဂျပန်ကဗျာ ..

ကျနော်တို့နိုင်ငံဟာ ဖက်ဆစ်ဂျပန်တို့ရဲ့လက်အောက်ကို ကျရောက်ဖူးပါတယ်။ အဲ့ဒါကြောင့် ကျနော်တို့ရဲ့ မြန်မာ့သမိုင်းမှာ ဂျပန်တွေဟာ အရိုင်းအစိုင်း တွေအဖြစ်နေရာယူခဲ့ဖူးပါတယ်။ တကယ်တော့ ဂျပန်ဆိုတာထက် ဖက်ဆစ်ဆိုတဲ့စနစ်က ဆိုးသွမ်းခဲ့တာပေါ့ .. . ။ ဂျပန်တွေဟာ ကြိုးစားတယ် စည်းကမ်းကြီးတယ် ဆိုတဲ့နေရာမှာ အပြောတော့မဟုတ်ပါဘူး ။ ခုဆိုရင် အာရှကသာမက ကမ္ဘာကပါ အသိအမှတ်ပြုရလောက်အောင် ဖွံ့ဖြိုး တိုးတက်တဲ့နိုင်ငံ ဖြစ်နေပြီပေါ့။ ဂျပန်ပစ္စည်းဆိုရင်ကောင်းပါ့ လို့ဆိုရအောင် ပြောစမှတ်တွင်တယ် ။စာအုပ်ထဲ မှာတော့ ဖတ်ဖူးတယ် အတွေ့အသိအများဆုံးက ဂျပန်လုပ်လူစီးကား တွေဖြစ်ပြီး အတွေ့အသိအနည်းဆုံးက ဂျပန်ကဗျာ တွေပါတဲ့ ...။ ဟုတ်လဲ ဟုတ်ပါတယ် ကျနော့်အနေနဲ့ပေါ့နော် ။ ဂျပန်ကဗျာတွေကို သိပ်မဖတ်ဖြစ်ဘူး ။ အဲ့ဒီတောခုဖတ်လိုက်ရတဲ့ ဂျပန်ကဗျာတစ် ပုဒ်ကို တင်ပေးလိုက်ပါတယ်။ နောင်လည်း ဂျပန်ကဗျာတွေကိုရှာ ပြီး တင်ပေးမယ်လို့ စိတ်ကူထားတယ်။

“အကုန်သက်သာသောလ”

လကို ငါ ဘာကြောင့် စားမရတာလဲ
အဲ့ဒါကို စဉ်းစားလို့ မရဘူး။
ဆာလောင်နေတဲ့ ငါးတစ်ကောင်ဟာ
ကန်ရေထဲမှာ အရိပ်ထင်နေတဲ့လကို
ကျွတ်ကျွတ်ဝါးရင်း ပြောတယ်။
ငါ စားတာပဲ၊ စားနေတာပဲ
စားနေလျက်နဲ့ အဲဒါကပျောက်မသွားဘူး။
အံ့ရော၊ ဒါဟာ မကုန်ခမ်းနိုင်တဲ့ အရာလား
အံ့ရော။
ရေထဲမှာ အရိပ်ထင်နေတဲ့ လကို
ဆာလောင်စွား တကျွတ်ကျွတ်ဝါးရင်း
ကန်ထဲကငါးဟာ ဆီမန်းသလို တတွတ်တွတ်
ပြောနေတယ်။

( နိုမူယာ )

Windows Password ကို Hack ကြမယ် ... ။

မပြဘူးဆိုရင်ရအောင်ကြည့်မယ် ။ ပိတ်ထားရင်ရအောင်ဖွင့်မယ် ။ အဲ့ဒါမျိုးဆိုရင် အရမ်းဝါသနာပါတယ် ။
ဝါသနာတူသူတွေ comment ရေးသွားနိုင်တယ် ။ ဒီထက် ပိုအဆင်ပြေတဲ့နည်းလမ်းတွေရှိရင် သိချင်သေးတယ်။
မျှဝေခဲ့အုံးပေါ့။

ရပ်တန့်ခဲ့သော ရင်ခုန်သံများ

စက်ရပ်နေတဲ့နာရီတလုံးကတော့
သူ့ဘ၀ကိုအတိတ်မှာကျောက်ချရလို့ကျေနပ်နေတယ်။

မှိန်ပျပျဓာတ်တိုင်တွေရဲ့အောက်မှာ
မျှော်လင့်ချက်တွေတထွေးကြီးနဲ့လူတယောက်ရှိတယ်။
သူကမနက်ဖြန်တွေကိုတွေးတောရင်း
အတိတ်ကအကြောင်းတွေကိုသတိရနေတယ်။
ညီမျှခြင်းတစ်ခုရဖို့အတွက်သူ့ဘ၀ထဲကိုအတ္တတွေပေါင်းထည့်လို့နေပြန်တယ်။
မသေချာမှု တွေထဲမှာသေချာမှုတခုကို တူးဆွလို့ ရှာဖွေရင်း သူကိုယ်တိုင်လည်း နစ်မြုပ်မှန်းမသိ နစ်မြုပ်လို့ ။
သူ့ရင်ခုန်သံတွေကတော့ သူပျော်ရွှင်ခဲ့ဖူးတဲ့ ဟိုတချိန်အတိတ်မှာ ရပ်တန့်လို့.......။

ချစ်ပါ့

လက်ထပ်ပြီးကာစ ဇနီးမယားအသစ်ကလေးမှာ အိမ်ထောင်အထိန်းအသိမ်း ညံ့ဖျင်း၏။ အလုပ်လုပ်ရန် လည်းပျင်းရိသည်။ တစ်နေ့ ဧည့်ခန်းစားပွဲပေါ်တွင် ဖုန်မှုန့်များတတ်နေသည်ကို တွေ့ရသဖြင့် ယောက်ျား ဖြစ်သူက မိန်းမဖြစ်သူကိုလည်း အပြစ်မတင်ရက်၊ ကိုယ်တိုင်လုပ်ရန်လည်းအချိန်မရှိသဖြင့် “ကိုယ် မင်းကိုချစ်တယ်” ဟု ဖုန်မှုန့်များပေါ်တွင်လက်ညှိးဖြင့် စာရေးထားခဲ့လေသည်။

ညနေ အလုပ်မှပြန်လာသောအခါ ယောက်ျားဖြစ်သူက ဧည့်ခန်းစားပွဲကို လှမ်းကြည့်လိုက်ရာ မိန်းမဖြစ် သူရေးထားသော စာတစ်ကြောင်းကိုတွေ့ရလေသည်။ “ကျမလည်း မောင့်ကိုချစ်ပါတယ်” ဟူ၏။
အော်တယ်လဲ ချစ်တတ်တဲ့ မိန်းမ .. . မိန်းမ


( ဖတ်လိုက်ရတဲ့ ဟာသလေးတစ်ပုဒ်ကို တင်လိုက်တာ ။ သူငယ်ချင်းတို့လည်း ရီရအောင်လို့ ပေါ့။ )

ခုတော့လည်း ...

“ကိုယ်က မုဆိုးဖြစ်တဲ့အခါ....
ကိုယ်ဆင်ထားတဲ့ထောင်ချောက်ထဲ ၀င်လာတဲ
့သားကောင်ကိုကြည့်ပြီး ပီတိဖြစ်နေနိုင်သလို ... .. ။
ကိုယ်က သားကောင်အဖြစ်ရောက်ရတဲ့အခါမှာတော့
ဘ၀ရဲ့တစိတ်တပိုင်း ဒါမှမဟုတ် ရှင်သန်ခြင်းတစ်ခုတွက်
စတေးရတယ်ဆိုတာ .....”

ဒီစာသားလေးကို ဖတ်ပြီး ကျနော့်ဝါသနာက ဘာဖြစ်မလဲဆိုတာခန့်မှန်းကြည့်ပါလားဗျ ..။ သူငယ်ချင်းတော့ထင် မှာပဲနော် “ အင်း ဒီကောင့်ဝါသနာက တောလိုက်ထွက်တာလား” လို့ပေါ့။ ဟုတ်ဘူးနော် ...ထပ်ပြောမယ် အဖြူအမဲ အကွက်များပေါ်တွင် လဘ္ကက်ရည်ဖိုးရှာခြင်း အဲအဲ ယောင်လို့ အရုပ်တွေရွှေ့ကစားခြင်းပေါ့။ ဂလောက်ဆို သဘောပေါက်တယ်နော်။ ကျောင်းသားဘ၀တုန်းကတော့ ကျောင်းကျောင်းဆိုပြီး ကန်တင်းမှာတ နေကုန်ထိုင် စစ်တုရင်ကစားလို့ ပျော်စရာတော့အကောင်းသားဗျ ...။ အချိန်တန်တော့ suppli လေးဖြေ။ ဒီလိုနဲ့ ဘွဲတခုရ ...။ အော် ခုတော့လည်း လက်တွေ့ဘ၀မှာ အမောတကောနဲ့ စတေးကွက်တွေ ချချသုံးလို့ ... . ။

ကျား နဲ့ မ ဒဿန

ယောင်္ကျားများ ငြင်ခုံကြသောအချက်မှာ မိန်းမများသည် သိပ်ဝေးလွန်းလျှင် စိတ်မချရ ဟူသောအချက်ဖြစ်၍ မိန်းမ များငြင်းခုံနေကြသောအချက်မှာ ယောင်္ကျားများသည် နီးလွန်းလျှင် သိပ်စိတ်မချရဟူသောအချက် ပင်ဖြစ်သည် ဟူ၏။

တပတ်ပြန်နာရီ ..

မနက်မိုးလင်းလို့ မျက်စိနှစ်လုံးဖွင့်တာနဲ့ သတိရခြင်းတွေကကျိန်းစပ်လို့ ။ မသိကျိုးကျွန်ပြုမှုထဲ သိမှုတခုကတော့ ကြမ်းပိုးကိုက်ရာမှာ သွေးစို့ နေတယ်။ ငါ့အတွက်တော့ ဒီလောကကြီးက လင်းနို့လို ဇောက်ထိုးနေ မှ တည့် မယ့်ဘ၀ ပေါ့။ ဗျာ .... ဟုတ်ကဲ့ ..... အင်း .... လို့ပြောနေပေမယ့် ဘယ်အရာမှကိုမကြောက်တဲ့ သူပုန်တစ်ယောက် ........။စာရိတ္တတွေကို ဖြန့်ခင်းထားလို့ ရောင်းချနေတာမဟုတ်ဘူး .. မှတ်ကျောက်တင်ချင်တယ်ဆိုရင်လာခဲ့။
( ပြဿဒါး ၊ ရက်ရာဇာမရွေးဘူး ) ...။ ဒါပေမယ့် ကံကောင်းမှုဆိုတာ ဘယ်လိုပုံစံရှိတဲ့ကောင်လဲလို့ လူတကာကိုလိုက်မေးရမယ့် အဖြစ်။ အညှီအစို့ ဆိုတာ ယင်ကောင်တစ်ကောင်အတွက် စည်းစိမ်တဲ့လား . .. ဒါဆို ယင်ကောင်ဖြစ်ဖို့ သတ္တိလိုလို့ လား ပြောတော့ ဘယ်အရာကိုမှမကြောက်တဲ့ သူပုန်ဆို...။ ဖြူကာပြာကာကျတဲ့ စဉ်းစားမှုတွေနဲ့ ......
မနက်မိုးလင်းလို့ မျက်စိနှစ်လုံးဖွင့်တော့လည်း သတိရခြင်းတွေကကျိန်းစပ်လို့ ။

နှုတ်ဆက်ချိန် ..

ခွဲခွာရတော့မယ် ဆိုတဲ့ အသိနဲ့ အတူ
မင်းလက်တွေကို တင်းတင်းဆုပ်ကိုင်မိတယ်။
မတားနိုင်ခဲ့ဘူးအချိန်တွေ ကမ်းပါးလိုပြိုကျမှုကနေ
ရင်ထဲ ခံစားချက်တွေက ၀ုန်းဆန်လို့
ဒီခံစားချက်တွေ ရေအလျင်နဲ့ မျောလိုက်ရမလား
အလွမ်းတွေ ပြာတောက်သွားအောင်စဉ်းစားခဲ့
နောက်ဆုံးတော့
တစ်နေ့မင်းဆီပြန်လာခဲ့မယ်ဆိုတဲ့ကတိတွေနဲ့ ..........။

ဘာကောင်လဲဟဲ့အဲ့ဒီကောင်

အဲ့ဒီကောင်ပေါ့ ကျနော်တို့ အသည်းအသန်လိုက်ရှာနေတာ ...။ ကျနော်တို့ အလိုရှိသလိုခင်ဗျားလဲ သူ့ကို အလိုရှိ တာပဲ။ တော်တော်များများ ကတော့ အဲ့ဒီကောင်ရှိမှ အဆင်ပြေတယ်။ ဒီကောင်ကြောင့်ပဲ တော်တော်များများ ပြဿနာတက်ကြတယ်ဗျ ...။ သူနဲ့ပေါင်းသင်းတတ်တဲ့သူများကတော့ အဆင်ပြေလိုက်လေခြင်း ... အေးးးး သူနဲ့ မ ပေါင်းတတ်လို့ကတော့ သူကမင်းနဲ့ ဝေးရာကိုပြေးလိမ့်မယ်ဟေ့ ....။ ဒါဆို ခင်ဗျားတို့ သိလောက်ရောပေါ့ ကျနော်က တော့သူ့ ကို ပိုက်ပိုက်လို့ ချစ်စနိုးခေါ်တယ် ( ထွက်ပြေးသွားမှာစိုးလို့ အချိုသတ်တာ) ။ အဲ့လိုဆို ပိုက်ပိုက် နဲ့စား ၊ ပိုက်ပိုက်နဲ့ သွား ၊ ပိုက်ပိုက်နဲ့နေပေ့ါ .... ဒီလိုဆိုရင် ရော ခင်ဗျားစိတ်ချမ်းသာသွားမယ်လို့ ထင်လား မထင်နဲ့ ကိုယ့်လူရေ ...။

လောကမှာပိုက်ပိုက်ပေးလို့ မရနိုင်တာတွေရှိပါသေးတယ်တဲ့ဗျာ .. .အဲ့ဒါတွေကို သိလားဗျ
မသိသေးရင်ပြောပြမယ် အကိုတယောက်ကကျနော့်ကို mail နဲ့ ပို့ပေးထားတာလေးတွေ ဖတ်ကြည့်လိုက်နော် ။

WITH MONEY YOU CAN BUY A HOUSE, BUT NOT A HOME.

WITH MONEY YOU CAN BUY A CLOCK, BUT NOT TIME.

WITH MONEY YOU CAN BUY A BED, BUT NOT SLEEP.

WITH MONEY YOU CAN BUY A BOOK, BUT NOT KNOWLEDGE.

WITH MONEY YOU CAN SEE A DOCTOR, BUT NOT GOOD HEALTH.

WITH MONEY YOU CAN BUY A POSITION, BUT NOT RESPECT.

WITH MONEY YOU CAN BUY BLOOD, BUT NOT LIFE.

WITH MONEY YOU CAN BUY SEX, BUT NOT LOVE.

ကဲ အဲ့ဒါတွေပဲဗျ...
သူငယ်ချင်းတို့အားလုံးလည်း ပျော်ရွှင်မှုအစစ်အမှန်ကို ရှာဖွေတွေ့ရှိနိုင်ပါစေလို့ ဆန္ဒပြုရင်း .......။

ယုံပါတယ်ခင်ဗျ

တနေ့ ကျနော့်အသိ တစ်ယောက် ရေယုံပေါက်လို့ မန်းတတ်တဲ့ အဘိုးကြီးတစ်ယောက်ဆီသွားအပြ ကျနော်လည်း လိုက်သွားလိုက်တယ် .....။ ဟိုရောက်တော့ မန်းပေးမယ့်အဘိုးကြီးနဲ့တွေ့ ပါရော သူနဲ့ အတူ သူ့မိန်းမလို့ ထင်ရတဲ့ အဘွားကြီးတစ်ယောက်လည်း ရှိပါတယ်....။ ကျနော်တို့ကလည်း ရေယုံပေါက်လို့ လာပြတဲ့ အကြောင်းပြောလိုက် တယ်။ အဖွားက ကျနော်တို့ကို နေရာထိုင်ခင်းချ ပေးပြီးတော့  ....“ ဟုတ်တယ်လူလေးတို့ ရေ ရာသီဥတုကဖောက် ပြန်တော့ ကလေးရော လူကြီးရော ရေယုံတွေ ပေါက်ကျ တယ် ” လို့ပြောပါတယ် ။ အဲအဲ ကျနော်ပြောချင်တာက မန်းတဲ့ အကြောင်းကို ပေါ့ .. ပထမ ရေယုံပေါက်နေတဲ့ ကျနော့်အသိကို အ င်္ကျီ ကိုချွတ်ခိုင်းပြီး သူမန်းထားတဲ့ ရေခွက်ကိုင်လို့ မေးပါတယ် ...
အဖိုး .... “ ဒါရေဟုတ်တယ်ဆိုတာ ယုံလား ”
ကျနော့်အသိ ... “ ယုံပါတယ်ခင်ဗျ ”
အဖိုး .... “ ဒါရေဟုတ်တယ်ဆိုတာ ယုံလား ”
ကျနော့်အသိ ... “ ယုံပါတယ်ခင်ဗျ ”
အဖိုး .... “ ဒါရေဟုတ်တယ်ဆိုတာ ယုံလား ”
ကျနော့်အသိ ... “ ယုံပါတယ်ခင်ဗျ ” သုံးကြိမ် သုံးခါ အတိုင်အဖောက်ညီ ညီ ပြန်ဖြေရပါတယ်။
ပြီးတော့ ရေယုံပေါက်နေတဲ့ဘေးပတ်ပတ်လည်ကို ရေမန်းနဲ့ လိုက်ပက် ပါတယ် ...။
ကျနော်တို့လည်း အပြန်လမ်းမှာ ယုံပါတယ်ခင်ဗျ အော်လို့
ဘ၀မှာ ဟုတ်သည်ဖြစ်စေမဟုတ်သည်ဖြစ်စေ ယုံလိုက်ရ တာတွေလည်း မနည်းပါလားလို့ တွေးရင်း .....။

ချစ်ဖို့ကောင်းတဲ့ ကောင်လေး

Boss is not here! ( ကဲသာကဲ..... ကဲသာကဲ မင်းဂရုမစိုက်နဲ့ )


Boss is calling. ( သေပြီဆရာ )


In a meeting. ( အိပ်မက်ထဲ မှာလည်းမင်းပေါ့ကွာ )


Training .( ကြည့်ကွေးဆောင် ခွာကိုက်တောဆုံဆုံခွေ့) တရုတ်စကားပြော သင်တန်း


Tea break. ( ဒန်တန့်တန် ဒန်တန့်တန် )


Before noon in weekend. ( တနေကုန်ပင်ပန်းလာသမျှ စောင်ခြုံကွေး ဟေးဟေး )


Ready for getting offwork. ( ဟိုတွားမယ် ဒီတွားမယ် တယ်တဲ့တယ် )


Tomorrow is holiday. ( ရက်စ် အသကုန်ကဲမယ်ဟေ့ )


Got today's target from boss. ( ညစ်ဒယ် ညစ်ဒယ် ညစ်ဒယ်)


Tough target. ( နာ့ဘ၀တော့ ပျက်ပါပီဂျ )


Find impossible to meet boss requirement. ( သေတာက မှ အေးအုံးမယ် အဟီးးးးးးးးးး )


OT for 2 hrs. ( ငါ့နှယ် နော် ချိန်းထားတာတော့ တွားပါပီဟ )


OT for a whole night. ( လုံးဝ လုံးဝ ညည်းခံနိုင်တော့ဘူး )


Being notified to OT weekends.


Made mistakes in work. (ကံဆိုးမသွားရာမိုးလိုက်လို့ရွာ အာဟား အာဟား)


Little achievement. ( ငါကွ .. အားလုံးကိုသောက်ချဉ်ပဲ )


Frustrating things happens. ( အဟီး ...အမေ့ကိုပဲတတိရဒယ် အိမ်ကျန်တော့မယ် )


Finance person doesn't give the money. ( ......မသား တေစမ်းဟယ် )


Being advised no Bonus this year. ( အားးးးး !@#$%^&*&^%##@ )


ကျနော့်အတိုင်းပဲ ...။ သူငယ်ချင်း မင်းရီနေတယ်မဟုတ်လား အဟတ်အဟတ် :D

ကြာသာပတေးနေ့ည

အလွမ်းရနံ့တွေသင်းတဲ့ညက
သတိရခြင်းတွေနဲ့ အိပ်မက်တွေတည်ဆောက်
ပင့်သက်ရှိုက်သံတွေလည်း ခဏခဏလွှတ်ကျလို့
ငါ့ညကို အမှောင်ထုထဲ ဆွဲချထားတယ် ....
ဝေဒနာ တခုက တဘ၀စာ အသက်ရှုခွင့်မပေးဘူး
ဒီညကိုကျော်ဖြတ်ဖို့ ရင်ဘတ်က နိမ့်လိုက်မြင့်လိုက်နဲ့
မနက်ဖြန် သူနဲ့တွေ့ဖို့ ချိန်းထားတယ်.
ရောက်မလာနိုင်ခဲ့ရင်လည်း
ကဗျာတစ်ပုဒ်နဲ့ အတူ
ဘယ်ဘက်ရင်အုံမှာ အလံဖြူတစ်ခုစိုက်ထားခဲ့မယ် ။

ဆားပါသော စကားလုံးများ ...

ရည်ရွယ်ချက်ရှိရှိနဲ့
စုပြုံလို့ကျလာတယ်
အားးး
ဘာတွေလဲကောက်ကြည့်လိုက်တော့
စကားလုံးတွေ
တချို့က ကြမ်းရှရှ
တချို့က ချော်တော်တော်
တချို့က ......
......................
အဲ့ဒီအရာတွေနဲ့တော့
ဒီကမောင်
အယားမပြေဘူး
ဒါပေမယ့်
ပြည်ပန်းညိုလည်း
မချိုတော့ဘူး ...။

စိတ်အချဉ်ပေါက်သောနေ့တနေ့

အဖေ

ကျနော် 4 နှစ်သားတုန်းက ... ငါ့ဖေဖေကြီးဘာမဆိုလုပ်တတ်တယ်။

ကျနော် 5 နှစ်သားတုန်းက ... ငါ့ဖေဖေကြီး မသိတာဘာမှမရှိဘူး။

ကျနော် 6 နှစ်သားတုန်းက ... ငါ့ဖေဖေကြီးက မင်းအဖေထက်တော်တယ်ကွ။

ကျနော် 8 နှစ်သားတုန်းက ... တို့အဖေက အကုန်လုံးတော့အတိအကျ မသိဘူး။

ကျနော် 10 နှစ်သားတုန်းက ... အဖေတို့ ငယ်ငယ်တုန်းကနဲ့ ခုနဲ့ ခြားစီပဲ။

ကျနော် 12 နှစ်သားတုန်းက ... အင်းအဲ့ဒါတော့ အဖေလည်းဘယ်သိပါ့မလဲ။

သူက အသက်ကြီးပြီဆိုတော့ ကလေးတုန်းကအကြောင်းတွေမမှတ်မိဘူးလေ။

ကျနော် 14 နှစ်သားတုန်းက ... အဖေတော့ထည့်ပြောမနေနဲ့ သူကရှေးရိုးသမားကြီးလေ။

ကျနော့်အသက် 21 နှစ်မှာ ...အဘိုးကြီးပါလား ... ထားပါတော့အောက်နေပြီလုံးဝအောက်နေပြီ။

ကျနော့် အသက် 25 နှစ်မှာ ... အဖေလည်းနဲနဲပါးပါးတော့သိတယ်လေ ၊ လူကြီးပဲဟာ။

ကျနော့် အသက် 30 ကျတော့ .. အဖေ့ကိုနည်းနည်းပါးပါး မေးမြန်းကြည့်ရင်ကောင်းမယ်။
 ဘာပဲပြောပြော အတွေ့ အကြုံအများကြီးရှိတယ် ။

ကျနော့်အသက် 35 နှစ်မှာ ... အဖေနဲ့တိုင်ပင်ပြီးမှပဲဒီကိစ္စအတွက် ငါတစ်ခုခုလုပ်နိုင်မယ်။

ကျနော့်အသက် 40 နှစ်မှာ ... အဖေသာဆိုရင် ဒီကိစ္စဘယ်လိုဖြေရှင်းမလဲမသိဘူး ၊
အဖေက အတွေ့အကြုံစုံတယ် ၊ အမြော်အမြင်လည်းရှိတယ်။

ကျနော့်အသက် 50 လည်းရောက်ရော ... ဒီကိစ္စခုနေသာ အဖေနဲ့တိုင်ပင်ခွင့်ရမယ်ဆိုရင်

ဘယ်လောက်ပေးရပေးရ ငါပေးပါတယ်၊ အဖေ့အရည်အချင်းတွေသူရှိတုန်းကကောင်းကောင်းသတိမထား မိတာသိပ်နှမြောစရာကောင်းတယ်၊ တကယ်ဆိုငါ့အဖေဆီက အများကြီးရလောက်ဖို့ကောင်းတယ်။

( ဒီကဗျာလေးကိုကြိုက်တယ် ...... ၊ အဖေ့ကို သတိရတယ် . .သတိရတယ် ... သတိရတယ် ... သတိရတယ် ...

သတိရတယ် .. သတိရတယ် ............... .. .....။ )

အဆုံးသတ်ခဲ့ရသော ..

ငါ့ပခုံပေါ်မှာ လေးနေတယ် အဲ့ဒါ ..

တာဝန်တွေ

ငါ့ရင်ဘတ်မှာနာနေတယ် အဲ့ဒါ..

ဝေဒနာတွေ

ငါက

တဖက်တချက်ဆီကနေ

တာဝန်နဲ့

ဝေဒနာတွေရဲ့

ဆွဲဆန့်ခြင်းခံနေရတဲ့

သရေကြိုးတစ်ချောင်းပေါ့

နောက်ဆုံးတော့လည်း ................. .

.............................................

................................

.........။

တပိုင်းတစ ဖြစ်ရသောအပိုင်းအစများ

်အပိုင်းအစများ (1)

ဘာလိုလိုနဲ့ ညနေခင်းတောင်အိပ်တန်းတတ်နေပြီ နော် .....
အရင်တုန်းကတော့ဒီလိုညနေခင်းတွေ ဟာ ရယ်သံတွေနဲ့ ခြံရံထားတဲ့ ငွေရောင်အနားသပ်တွေပေါ့ ...မှတ်မှတ်ရရ အဲ့ဒီနေ့က နေပူပြီး ပင်ပန်းမှုတွေ အငွေ့တလူလူ ထွက်နေတဲ့ အချိန်မှာ မင်းကို စတင်တွေရှိခဲ့တယ်။ပြီးတော့ သိပ်မ ဆန်းကြယ် တဲ့တွေဆုံမှုတွေ နဲ့အတူ ရင်းနှီးမှုတွေလည်း မွေးဖွားခဲ့တယ်နော် ..။နောက်တော့ မင်းကို အချိန်တိုင်း တွေ့ ချင်တယ်ဆိုတဲ့ လက္ခဏာပြမှုတွေနဲ့အတူရောဂါတွေ ကျွမ်းခဲ့တဲ့ကောင်ဟာငါဖြစ်ခဲ့တယ် လေ.. .။ တနေ့မင်းနဲ့ ဝေးရ မယ် ဆိုတဲ့ စိုးရိမ်စိတ်တွေက ဧရာဝတီမြစ်ရေတွေနဲ့ အတူအတက်အကျဖြစ်လို့ ...အိပ်စက်မှုတွေ ကို တိုက်စား ....။ မှတ်ထားးးးးးး ငါကမင်းနဲ့ နီးရဖို့အတွက်မင်းအသိုင်းအ ၀ိုင်း ရဲ့အလိုကျ ပျော်ဝင်ပြမယ့်ပုံဆောင်ခဲ တခုဆိုတာကိုပေါ့ ။


အပိုင်းအစများ(2)

အဲ့ဒီနေ့ညက အိပ်မက်တွေကိုသီကုံး လို့ ပျော်ရွှင်မှုတွေလည်း လေဆန် မှာမွှေးပျံ့ခဲ့တယ်လေ .... ။ မင်းနဲ့အတူတူ ခရီးထွက်ရမယ်ဆိုတော့....။ ခုတော့လဲ အ်ိပ်မက်က လန့်နိုးတိုင်း စည်းချက်မမှန်တဲ့ နှလုံးသားတစ်စုံက အလွမ်းသင့် သံစဉ် တွေနဲ့ ရစ်သမ်ညှိလို့ ....။ ငါက မင်းအတွက်နဲ့ ဘယ်ပတ်ဝန်းကျင်ကိုမှ ဂရုမစိုက်ဘူး ..... သူငယ်ချင်းဆိုတာ တွေကလဲ မင်းနဲ့ ယှဉ်ရင် ဒုတိယနေရာမှာပေါ့ ...။ မင်းကတော့ မင်း ပတ်ဝန်းကျင် မင်းသူငယ် ချင်း တွေရဲ့ အနောက်မှာ ငါ့ကို မှုန်ဝါ၀ါ ရပ်တန့်စေလို့ .....။ ဘာလိုလိုနဲ့ ခုဆို သန်းခေါင်တွေတောင် ညဥ့်နက်နေပြီနော် ....................................... ... ..။


အပိုင်းအစများ ( 3 )

မင်းနဲ့အတူ နားလည်မှုတွေယူလို့ တယောက်နဲ့တယောက်ယုံကြည်မှုတွေ တည် ဆောက် ခဲ့ ညနေခင်းကို မမေ့ဘူး။ အချစ်ဆိုတာ တစ်ယောက်ကိုတစ်ယောက်နားလည်ခြင်းတဲ့ ..... အဲ့ဒီတော့ တစ်ယောက်ကို တစ်ယောက် နားလည်ခဲ့ကြတဲ့ ငါတို့ကြားမှာလည်း ??????????? ။ Question mask တွေနဲ့ မေးခွန်းများခဲ့တယ် နော် ...။ ချစ်တယ် ဆိုတာကို ဘာနဲ့မှ သက်သေပြစရာမလိုဘူးလို့ မင်းပြောခဲ့တယ် . ...အကယ်၍များတစ်နေ့ နေ့မှာလိုအပ်ခဲ့ ရင် ငါက မင်းအတွက်နဲ့ အမှန်တရားဘက်က မှားပြမယ့်သူ တစ်ယောက်ပေါ့။

ကျနော့်အတွက် အဲ့ဒီကြောင်းအရာတွေက ဘယ်တော့မှပြောင်းလဲမသွားပေမယ့် .... သူ့အိမ်မျက်နှာစာမှာတော့ မိုးမခပန်းတွေပွင့်လို့ ....... ....။

လေပြေ


မျှော်လင့်ချက်တွေပြည့်နှက် နေတဲ့ဘ၀ခရီးမှာ

ရှင်သန်ခြင်းတွေ နပ်မှန်ဖို့

ဇောချွေးတွေ ငွေရည်ပျံနေတဲ့ ငါက

မင်းဆီက လေပြေ တချက်ကိုမျှော်လင့်နေလေရဲ့

ငါမျှော်လင့်တဲ့ ချစ်လေပြေ ...

တနေ့တော့ရောက်ပါစေ ။

ကျွန်းသားလေးကျနော်

ကျွန်တော့်ကို တနသာင်္ရီတိုင်း မြိတ်ကျွန်းစုတွေထဲ ကကျွန်းလေးတစ်ကျွန်းမှာ မွေးဖွားခဲ့တယ် .. ...

အဲ့ဒီနေ့က မိုးတွေအရမ်းရွာပြီး လှိုင်းတွေလည်း အရမ်းကြီးနေတဲ့ အချိန်မှာပေါ့ ။ အဲ့လိုပဲ ကျနော့်ရဲ့ ငယ်စဉ်ကလေးဘ၀က အေးချမ်းပြီးပျော်ရွှင်စရာကောင်းတယ်လို့ ဆိုရမှာပဲ။ ပြန်စဉ်းစားမိတိုင်း ကမ်းစပ်မှာအဖေနဲ့ အတူ စွန်လွှတ်ခဲ့တဲ့ အချိန်ကို မနေ့ကလိုပဲ မျက်စိထဲမြင်နေပါသေးတယ်. .။ ရှေ့ဆက်ရမယ့်ခရီးမှာ ဘာတွေကြုံတွေရမယ်ဆိုတာ မသိ သေးတဲ့ ကလေးတစ်ယောက်ရဲ့ စိတ်အေးလက်အေးပျော်ရွှင်မှုမျိုးနဲ့ပေါ့ .....

တချို့အကြောင်းအရာတွေဟာ အတိတ်မှာ ၀ိုးတ၀ါးကျန်နေခဲ့ပေမယ့် သေချာတာတစ်ခုကတော့ ကျနော်ဟာ အဖြူရောင်စိတ်ထားရှိတဲ့ ကျွန်းသားလေးတစ်ယောက်ဆိုတာပါပဲ ..။

အခွင့် ရှိရင်

အခွင့်ရှိရင်
အဆုံးမရှိ မြက်ခင်းပြင်ထဲ နှစ်ယောက်အတူလှဲ .....
ကြယ်တွေကို ရေတွက်ကြမယ် ။

မင်းလက်ကိုဆွဲ ထာဝစဉ်ပဲ ...
ဘ၀ရေစီးကြောင်းကို ဆန်တက်ကြမယ် ။

ရနံ့ကမွှေး နှင်းဆီနီလေး ....
မင်းပန်ဖို့အတွက် စိုက်ပျိုးချင်တယ် ။

မင်းရဲ့မျက်ရည် သောကဝေရင် .....
ပျော်စရာတွေဖန်တီး မင်းအနားပျော်တော်ဆက်လေးဖြစ်ချင်တယ် ။
အခွင့်ရှိမယ်ဆိုရင်ပေါ့ ။

မင်းကရော ...

အချစ်ရေ...
မင်းကို ရူပဗေဒသီအိုရီ တစ်ခုပြောပြမယ် ..


“ သက်ရောက်မှုတိုင်းမှာ
တန်ပြန်သက်ရောက်မှုရှိတယ်” တဲ့ ..
ဒါဆိုရင် ..
ငါလွမ်းတဲ့ မနက်တွေမှာ မင်းကဘယ်လိုလဲ ...
ငါလွမ်းတဲ့ ညတွေမှာ မင်းကဘယ်လိုလဲ ...
ငါလွမ်းတဲ့ အိပ်မက်တွေမှာ မင်းကဘယ်လိုလဲ ...

ငါအမြဲဆုတောင်းနေတယ် “ဒီ သီအိုရီလေး ငါနဲ့ မင်းပေါ်မှာ ထာဝရ တည်တံ့ပါစေ” လို့ပေါ့ .... ..

မင်းမရှိတော့

ငှက်ဆိုးတစ်ကောင်က ငါ့နာမည်ကိုအော်လို့ ..

နတ်ဆိုးတို့က ငါ့ဝိဥာဉ်ကိုနုတ်ယူမယ်ကြံ ...

မမှု့ တော့ပါဘူး ..

မင်းမရှိတဲ့ ငါ့ဘ၀က သေလူဖြစ်ပြီမို့ ..

ကျိန်စာတွေခါချပြီး နောက်ဘ၀ကူချင်ပြီ.....

ဘ၀

ဘ ဘ

ည ည

က က ကိုစီး

မ မ

လှ လှ ဘ၀အရခိုမှီး

FEC မျှော် သက်ကြီးပူဇော်သတဲ့

မသူတော်ဇာတ်ဝင်ခန်း

လွမ်းရခက်ကြီး ။



( ငယ်ငယ်တုန်းက ဖတ်ဖူးတဲ့ ကဗျာလေး ပြန်တွေးပြီးသဘောကျမိတယ် ..)